2024 жыл: Қайырымдылық саласындағы тарихи бетбұрыс

2024 жылы World Giving Index халықаралық рейтингінде Қазақстанның позициясы 107-ден 113-ші орынға төмендегеніне қарамастан, елдегі жеке және қоғамдық бастамалардың арқасында қайырымдылық саласы тұрақты даму көрсетіп келеді.

Бұл жыл қайырымдылықтың тек көмек көрсету емес, өмірлерді өзгерту, жомарттыққа шабыттандыру және қиын кезеңдерде қоғамға тірек бола алатындығын тағы бір мәрте дәлелдеді.

Halyk қорының жетістіктері: Қолдаудың жаңа деңгейі

Тимур мен Динара Құлыбаевтардың Halyk қоры қайырымдылық стандарттарын жаңа деңгейге көтерді. Қор құрылған сәттен бері 120 әлеуметтік жобаны қолдап, 85 миллиард теңгеден астам қаржы жұмсады. Бұл көрсеткіш Қазақстандағы басқа кәсіпкерлер мен меценаттар нәтижелерінен әлдеқайда жоғары.

Биыл қор қайырымдылық жобаларға рекордтық 35,5 миллиард теңге бөлді, оның ішінде 31 миллиард теңге зардап шеккен өңірлерге көмек көрсетуге арналды. Бұл өңірлерге Құлсары, Атырау, Ақтөбе, Батыс Қазақстан және Қостанай облыстары кірді.

Бұл көмек тек қаржылық қолдау ғана емес, қоғам үшін қайта өрлеу мен үміттің символына айналды. Мыңдаған отбасылар үшін тұрғын үй мен инфрақұрылым қалпына келтіріліп, жаңа мүмкіндіктер жасалды.

Жарқын мысалдардың бірі – қиын жағдайда қалған отбасыларға арнап Астанада 400 пәтер салу жобасы. Сондай-ақ, 2022 жылғы алапат өрттен кейін Әулиекөл ауылында 280 орындық балабақшаның ашылуы маңызды оқиғаға айналды.

Инновациялық жобалар: Өңірлерге ерекше назар

Halyk қоры өңірлердің тұрақты дамуына бағытталған ірі бастамаларды жүзеге асырды. Олардың ішіндегі маңызды жобалар:

• Бейнеудегі астық терминалы – бұл өңірдің аграрлық секторы үшін басты жобаға айналды.
• Ақшұқыр және Сайын Шапағатов ауылдары үшін тұщыландыру жүйесі – 25 000-нан астам тұрғынды таза ауызсумен қамтамасыз етті.
• Маңғыстау облысындағы үш мектепті жаңғырту – сапалы білім беру үшін жаңа мүмкіндіктер ашты.

Әрбір жоба қайырымдылықты ұзақ мерзімді әлеуметтік-экономикалық мәселелердің шешіміне айналдыруды көздейді.

Halyk қорының үлгісі қайырымдылықтың стратегиялық маңызын көрсете отырып, болашақтың берік іргетасын қалауға бағытталған бастамалардың негізі болып қала береді.

Білім мен спорт: Болашаққа бағытталған инвестиция

Halyk қоры білім беру және спорттық бастамалар арқылы жастарды қолдауға ерекше назар аударып, болашаққа маңызды инвестиция жасады. Қордың қолдауымен жүзеге асырылған бірқатар жобалар:

• Autosport жобасы – 200 ауылдық елді мекеннен 12 000-нан астам баланы қамтыды. Бұл тек спортты насихаттау ғана емес, болашақ чемпиондардың жаңа буынын тәрбиелеуге қосқан елеулі үлес.
• #АуылФутбол – жоба 4 000-нан астам жас футболшыны біріктіріп, таланттарды анықтаудың нағыз алаңына айналды.
• «Мирас» халықаралық мектебінде оқу үшін гранттар – бұл бастама еліміздің түкпір-түкпірінен келген балаларға өз әлеуетін ашуға және үлкен жетістіктерге жетуге мүмкіндік береді.

Сапалы жұмыс пен жоғары бағалау

2024 жыл қайырымдылық саласындағы қызметтердің сапасын бағалау жылы болды. Маусым айында Қазақстан Президенті Қасым-Жомарт Тоқаев салтанатты жиында елдегі әлеуметтік жобаларды жүзеге асыруға қосқан зор үлесі үшін Тимур Құлыбаевтың еңбегін жоғары бағалады.

Halyk қоры келесі марапаттарға ие болды:

• ҚР Мәдениет және ақпарат министрлігінің «Қайырымдылық үшін» медалі.
• Су тасқынынан зардап шеккендерге көмек көрсетіп, тұрғын үй салғаны үшін «Жыл меценаты» номинациясы.
• Маңғыстау облысын дамытуға қосқан жобалар үшін «Жыл меценаты» номинациясы.

Бұл марапаттар қордың қайырымдылық бағытындағы жүйелі және нәтижелі жұмысының жоғары бағасын айқындай түседі.

Қайырымдылық: Болашаққа бағыт

2024 жыл Қазақстанда қайырымдылықтың тек мейірімділік таныту емес, сонымен қатар алға қарай дамудың стратегиялық құралы екенін айқын көрсетті. Бұл жылы қайырымдылық қоғамның бірлігін нығайтып, әлеуметтік-экономикалық прогреске қолдау көрсетудің маңызды элементіне айналды.

«Halyk қоры әрдайым тек көмектесумен шектелмей, тұрақты даму платформаларын құруға да ұмтылады. Қор мықты әрі үйлесімді қоғам құруға өз үлесін қосқанымен мақтана алады деп санаймын», – деді қор директоры Сағынбек Шүнкеев.

2024 жыл жаңа дәуірдің бастауы ретінде есте қалды. Бұл дәуірде қайырымдылық – жай ғана көмек емес, халқымыздың бірлігі мен ілгерілеуінің іргетасы екенін дәлелдеді.