Жаңартылған «Асар» дағдарыс орталығының ашылуы: «Halyk» қорының қолдауы

Алматы қаласында қиын өмірлік жағдайға тап болған балалы әйелдерге арналған жаңартылған «Асар» дағдарыс орталығының ресми тұсаукесері өтті. Тимур мен Динара Құлыбаевтар құрған «Halyk»жеке қайырымдылық қорының қолдауымен жүзеге асқан бұл жоба, ажырасудың алдында тұрған отбасыларға жағдай жасаудағы маңызды қадам болды.

«Асар» орталығы 2017 жылы Алматы қаласының SOS балалар ауылының базасында құрылды және содан бері қолдау мен қорғауды қажет ететін балалы  әйелдерге көмек көрсетіп келеді.

Орталыққа 2024 жылы «Halyk» қорының демеушілігімен күрделі жөндеу жұмыстары жүргізіліп, тұрмыстық жағдай жақсарды. Орталық бір уақытта алты отбасын қабылдай алады, олар үшін жеке бөлмелер мен ортақ аумақтар қарастырылған. Негізгі мақсаттары: алты айға дейін уақытша баспана беру, медициналық, заңдық, психологиялық қолдау, жұмысқа орналасуға және қайта оқуға көмек көрсету, балаларға қамқорлық жасау дағдыларын нығайту.

«Асар»: әр отбасыға қамқорлық

«Асар» орталығының ерекшелігі оның әр отбасына деген көзқарасында. Орталыққа келгендердің барлығына дағдарыстан шығдың жеке жоспары жасалып, оны жүзеге асыратын маман бекітіледі.

«Басты жетістік – ата-аналардың өзіне деген сенімділігін арттыру және қиындықтарды өз бетінше жеңу қабілеттерін дамыту. Бағдарлама аясында біз отбасылармен байланыста боламыз және олардың әл-ауқатын бақылауды жалғастырамыз», — дейді SOS Балалар ауылы Қазақстан Корпоративтік қорының ұлттық директоры Гүлжан Асанова.

Орталық ашылған күнінен бастап 150-ден астам бала анасынан ажырамай, 80-нен астам әйел уақытша баспана және қолдау алды. Олардың 90%-дан астамы өз беттерінше өмір сүріп, мамандық алып, жұмыс тауып, тұрақты баспанаға қол жеткізді.

Бір отбасының тарихы: Жаңа өмірге қадам

«Сол кездері қиын жағдайға тап болған едім. Балаларыммен бірге қайда барарымызды, қайда түнейтінімізді білмей жүрген кездер еді. «Асар» орталығы туралы естіп, координаторға хабарласып, жағдайымызды айттым. Келесі күні маған қоңырау шалып, көмек көрсете алатындарын айтты. Осылайша біз орталыққа келдік.

«Асар» орталығында жаңа мамандықты игердім. Бұл мамандық маған жаңа мүмкіндіктер ашып, өзіме деген сенімділікті арттырды. Орталық қызметкерлеріне және «Halyk» қайырымдылық қорына алғысым шексіз», — дейді екі баланың анасы, «Асар» орталығының бұрынғы тұрғыны Айнұр (аты өзгертілген).

SOS Қазақстанның балалар ауылдары: Жетімдіктің алдын алу

Қазақстанда 1994 жылдан бері жұмыс істеп келе жатқан SOS балалар ауылдары ата-анасының қамқорлығынсыз қалған балаларға отбасылық жағдай жасайды, сонымен қатар жетімдіктің алдын алу бойынша жобаларды белсенді түрде жүзеге асырады. SOS отбасын қолдау орталықтарының негізінде жүздеген балалар ата-аналарынан айырылмауға тырысады, ал асырап алуға үміткерлер оқудан өтеді, бұл қордың жобаларын қоғам үшін ерекше маңызды етеді.

«Halyk» қоры: тағдырды өзгертетін күш

Тимур және Динара Құлыбаевтар негізін қалаған «Halyk» қайырымдылық қоры 2016 жылдан бастап 85 миллиард теңгеден астам қаражатқа 120-дан астам әлеуметтік жобаны жүзеге асырды. Қор білім беру, спорт, әлеуметтік инфрақұрылым саласындағы бастамаларды, сондай-ақ әлеуметтік тұрғыдан осал топтарды қолдауды белсенді түрде қолдап келеді.